മഴ തുള്ളികൾ....

ഹൃദയം.. തേടുന്നു നിന്നെ, ഈ വഴിയോ വിജനമായെന്നോ.. ഹൃദയം കവരുമാചിരിയിൽ, അറിയാതെ, നിന്നെയറിഞ്ഞെന്നോ.. നിൻ മൊഴികൾ പകരുമാശ്വാസം, കനവായ് മാഞ്ഞു പോയെന്നോ.. നീ തന്ന കരുതലും, ഇല്ലെന്നാകിൽ കദനമായ്.. നീയെന്നതോ സ്നേഹവിസ്മയം, പകരമാവാൻ കഴിയില്ലാർക്കുമേ..

ഒരുവിളിക്കകലെ നീ പോകുന്ന നാൾ, ഇതുവരെ കാണാത്ത കൺനിറഞ്ഞു.. നിൻ മൊഴികേട്ടു ഞാൻ കാതോർക്കവേ, ആ പുഞ്ചിരി മനസ്സിൽ നിറഞ്ഞു നിന്നു.. ഒരു വിട വാക്കും പറഞ്ഞതില്ല, എന്റെ മനസ്സിൽ നോവിന്റെ കൂടുകൂട്ടി.. പടിയിറങ്ങുന്നൊരാ കാലൊച്ചയും, നിർത്താതെ ഒഴുകുമാ കണ്ണുനീരും.. ഇനിയെന്തെന്ന ചോദ്യമതെന്നോട് തന്നെ, ഉത്തരമില്ലാതെ മൗനമായ് ഞാനും..